美加又有基金要拒絕客戶贖回

次 按 困 擾 未 完 華 億 有 動 作 可 吼
　　美國次按問題都仲係困擾緊全球股市，唔好以為D央行不停向銀行體系注資，消息便會炒完。現實環境下，事件冇話炒唔炒完，只有解決未，好明顯，今次呢個問題就仲未解決。因為據說美加又有基金要拒絕客戶贖回，令到市場擔心唔知仲有幾基金受影響。有報道話，連層層審批、官僚架構嚴密的內地銀行，亦有參與投資次按證券（但後來有官員否認），可見市場的擔心實在有理。

　　係這種的大氣候之下，港股跟隨外圍下跌亦算合理，何況，恒指昨天只係下跌2.9%（約631點），都唔係亞洲地區中最差。

　　不過，跌勢中成交急增至778億元（對比周二祇有553億元），就反映出市場普遍看淡（尤其係恒指成分股），雖然未至於沒有

升幅股份，但值得留意的就不多了。有隻華億（419），做電視廣告及電影/電視劇生意，年初控股權易手後已悉售天地數碼（500）股份，而最近則炒上0.20元左右，可能會有所動作，惟或須待大市情況穩定下來才開動，故若回軟至0.17元附近不妨注意。

2007/8/16